Эўрапейская камісія праверыць, ці зьяўляецца Польшча прававой дзяржавай

Эўрапейская камісія пацьвердзіла, што распачала працэдуру ацэнкі, ці зьяўляецца Польшча прававой дзяржавай.

Віцэ-старшыня Камісіі Франс Цымэрманс паведаміў, што Брусэль пачаў уступны этап у гэтай справе. Гэта першы такі выпадак у гісторыі Эўразьвязу.

Цымэрманс запэўніў таксама, што ён гатовы распачаць дыялёг з Польшчай і прыехаць у Варшаву. «Мэтай не зьяўляецца памкненьне абвінаваціць Польшчу. Мы імкнёмся вырашаць праблемы прававым шляхам. Наша мэта – рацыянальнае вырашэньне праблем, – падкрэсьліў віцэ-старшыня ЭК.

Эўракамісія паўторна будзе разглядаць сытуацыю ў Польшчы ў сакавіку. Прычынай працэдуры зьяўляюцца рознагалосьсі вакол Канстытуцыйнага суду ў Польшчы.

яс