Грузія мае новы ўрад

Былы міністр замежных спраў Грузіі Гіоргій Квірыкашвілі абраны на пасаду новага прэм'ер-міністра краіны.

Ноччу з аўторка на сераду быў зацьверджаны таксама склад новага ўраду Грузіі.

Дарэчы, Гіоргій Квірыкашвілі, які да верасьня кіраваў грузінскім МЗС, зьяўляецца ўжо трэцім кіраўніком ураду „Грузінскай мары” – партыі, якая прыйшла да ўлады ў краіне ў 2012 годзе.

Яго папярэднікамі былі Іраклій Гарыбашвілі й Бідзіна Іванішвілі.

Гіоргій Квірыкашвілі на працягу многіх гадоў працаваў у фінансавым і банкаўскім сэктарах. У 1999-2004 гадах быў дэпутатам ад імя „Новых правых сілаў”. Пасьля Рэвалюцыі ружаў, якая прывяла да адстаўкі прэзыдэнта Эдуарда Шэварнадзэ, Квірыкашвілі вярнуўся ў бізнэс.

Палітыкай ён заняўся паўторна ў 2012 годзе, калі ён быў абраны міністрам эканомікі.

аз