Папа рымскі заклікае да міру ў сьвеце

„Ніколі больш вайны”, - заклікаў Папа рымскі Францішак, навязваючы да 70-годзьдзя заканчэньня Другой сусьветнай вайны на Далёкім Усходзе.

Пантыфік выказаў шкадаваньне, што пасьля столькіх гадоў у сьвеце надалей працягваюцца крывавыя канфлікты.

„Я паўтараю гарачую малітву аб тым, каб сьвет не адчуваў больш страху й жудасных пакутаў, зьвязаных з падобнымі трагедыямі”, - сказаў Папа Францішак.

„Заклік: „Ніколі больш вайны!” - зьяўляецца пастаянным жаданьнем народаў, асабліва тых, якія зьяўляюцца ахвярамі шматлікіх бягучых крывавых канфліктаў”, - сказаў Сьвяты айцец, згадваючы пра перасьлед меншасьцяў, перасьлед хрысьціян і вар'яцтва зьнішчэньня.

Папа рымскі назваў вінаватых у гэтай сытуацыі. Паводле яго, гэта тыя, хто вырабляе й гандлюе зброяй, афарбаванай крывёй нявінных ахвяр.

аз