Курдзкія сэпаратысты заявілі аб спыненьні міру з Анкарой

Забароненая ў Турцыі Працоўная партыя Курдыстану заявіла, што перамір'е з Анкарой "страціла значэньне" пасьля таго, як турэцкія ВПС нанесьлі авіяўдары па пазыцыях баевікоў у Паўночным Іраку, перадае агенцтва Reuters.

У суботу ўрад Турцыі пацьвердзіў нанясеньне авіяўдараў турэцкімі ВПС па пазыцыях баевікоў забароненай у краіне Працоўнай партыі Курдыстану ў Паўночным Іраку.
Раней турэцкія СМІ паведамлялі, што турэцкія зьнішчальнікі F-16 позна ўвечары ў пятніцу атакавалі пазыцыі тэрарыстычнай арганізацыі "Ісламская дзяржава" ў Сырыі і на поўначы Іраку.

Узброены канфлікт паміж урадам Турцыі і курдзкімі сэпаратыстамі працягваўся з 1984 году і завяршыўся спыненьнем агню толькі ў 2013 г.

эб