Украіна: Сяргей Клюеў страціў імунітэт

Вярхоўная Рада Ўкраіны пазбавіла недатыкальнасьці Сяргея Клюева - аднаго з самых уплывовых палітыкаў часоў экс-прэзыдэнта Віктара Януковіча.

Генпракуратура абвінавачвае ўкраінца ў махлярстве. Гаворка ідзе пра незаконнае пераняцьцё завода паўправаднікоў, які цяпер вырабляе сонечныя панэлі, а таксама ў махлярстве з крэдытнымі й незаконным атрыманьні дзяржаўнага фінансаваньня на свае прыватныя інвэстыцыі.

Калі б Вярхоўная Рада не пазбавіла Сяргея Клюева імунітэту, то Эўразьвяз ужо на гэтым тыдні выкрасьліў бы яго прозьвішча са сьпісу асоб, ахопленых санкцыямі ЭЗ.

Украінскія праваахоўныя органы па-ранейшаму шукаюць брата Сяргея Клюева. Андрэй Клюеў кіраваў Адміністрацыяй прэзыдэнта. Ён падазраецца ў адказнасьці за крывавы разгон удзельнікаў „Майдана”, а таксама ў фінансавых махінацыях.

аз