Эвакуацыя астранаўтаў на МКС

З-за ўцечкі аміяку астранаўты былі прымушаны пакінуць амэрыканскую частку Міжнароднай касьмічнай станцыі й перайсьці на расейскую частку касьмічнага аб’екту.

Паводле расейскага касьмічнага агенцтва „Раскосмас”, пагроза жыцьцю астранаўтаў не існуе.

Прадстаўнікі агенцтва паведамілі, што ўцечка адбылася ў сыстэме ахалоджаньня станцыі. Амэрыканскія астранаўты без праблем пакінулі сваю частку станцыі, якая неадкладна была ізаляваная ад іншых.

Як адзначыў „Раскосмас”, сытуацыя знаходзіцца пад кантролем дзякуючы супольным намаганьням экіпажу станцыі й камандаваньня палётамі ў Маскве і Х'юстане.

Нагадаем, на Міжнароднай касьмічнай станцыі цяпер знаходзяцца трое расейцаў, двое амэрыканцаў і адзін італьянец.

Тым часам інфармацыю аб уцечцы аміяку абвяргае Амэрыканскае касьмічнае агенцтва (NASA).

аз