Расея ня хоча беларускай солі

Расейская санітарная служба рэкамэндавала гандлёвым сеткам зьняць з продажу соль, што вырабляецца ва Ўкраіне й Беларусі. Рэкамэндацыі былі накіраваныя ў расейскія рэгіёны, хоць на дадзены момант няма ніякай афіцыйнай цэнтральнай забароны.

"Коммерсантъ" паведаміў, што беларуская і ўкраінская соль займае 56 адсоткаў расейскага рынку. У якасьці прычыны абмежаваньня называецца тое, што прадукцыя быццам бы не адпавядае стандартам якасьці. Прадстаўнік адной з украінскай кампаній сьцьвярджае, што Расспажыўнагляд прымае рашэньне, карыснае для расейскіх вытворцаў, бо вытворчыя магутнасьці расейскіх кампаній выкарыстоўваюцца ў невялікай частцы.

яс