Летувa ўзмацняе нагляд на летувіска-беларускай мяжы

У мэтах барацьбы з кантрабандай Служба аховы дзяржаўнай мяжы Летувы паведамляе пра ўзмацненьне нагляду на летувіска-беларускай мяжы.

Супрацоўнікі службы адзначаюць, што на мяжы зь Беларусьсю ўзмацнілася кантрабанда, з тых часоў, як некалькі гадоў таму стаў больш жорсткім кантроль у Калінінградзкай вобласьці. Да кастрычніка на летувіска-беларускай мяжы затрымана каля мільёна кантрабандных цыгарэт, а таксама больш за 400 асоб, якія спрабавалі нелегальна трапіць у Летуву.

„Гэта самая доўгая мяжа Летувы, тут няма натуральнай прыроднай перашкоды, як Нёман на мяжы з Расеяй. Пры мяжы зь Беларусьсю - лясістыя мясцовасьці, якія спрыяюць злачынным дзеяньням”, - лічыць прадстаўнік Службы аховы дзяржаўнай мяжы Гедрус Мішуціс.

Цяпер каля 90% кантрабандных цыгарэт трапляе ў Летуву менавіта праз гэты ўчастак мяжы, таму зь лета тут укараняецца новая сыстэма кантролю.

delfi.lt/аз