Японія: расьце колькасьць ахвяраў вывяржэньня вулкана

Амаль да 50 павялічылася колькасьць сьмяротных ахвяраў вулкана Атакэ ў Японіі. Ратаўнікі знайшлі 12 новых целаў.

Паводле паліцыі, большасьць загінулых, гэта турысты, якія апынуліся на горным шляху ў суботу падчас вывяржэньня вулкана.

У выратавальнай акцыі ўдзельнічае каля тысячы ратаўнікоў, пажарнікаў і сябраў грамадзянскай абароны.

Цягам апошніх дзён пошукавая акцыя была некалькі разоў перапыненая з-за вельмі цяжкіх умоваў і пагрозы чарговага буйнога вывяржэньня вулкана. Дарэчы, ягоная ваколіца зараз нагадвае ляндшафт Месяца - зямля пакрыта грубым пластом шэрага попелу.

аз