Палянскі хоча здымаць фільм у Кракаве

Роман Палянскі хоча здымаць свой новы фільм у Польшчы. Прадукцыя, кошт якой - 35 мільёнаў эўра, гэта трылер, грунтаваны на аснове справы Дрэйфуса.

„У 19-ым стагодзьдзі францускі афіцэр быў абвінавачаны ў шпіянажы на карысьць Нямеччыны. Альфрэд Дрэйфус на працягу 12 гадоў даказваў сваю нявінаватасьць”, - расказаў кінапрадзюсар Робэрт Бэнмюса.

Большасьць кадраў будзе здымацца ў Парыжы. Прадзюсар і рэжысэр хочуць, каб частка здымалася ў Кракаве. Неабходныя для гэтага тэхнічныя ўмовы, між іншым кінастудыя, у якой магчыма будаўніцтва велізарных сцэнаграфій і спэцэфэкты.

Другая ўмова заключаецца ў забесьпячэньні прававой бясьпекі Роману Палянскаму. Суд у Каліфорніі імкнецца прыцягнуць яго да адказнасьці за палавыя зносіны з трынаццацігадовай дзяўчынкай у 1978 годзе.

Адвакаты падкрэсьліваюць, што Палянскаму патрэбныя гарантыі бясьпекі з боку польскіх уладаў.

Роман Палянскі прапісаны ў Кракаве і мае там кватэру.

Прэм'ерны паказ яго новага фільму пра справу Дрэйфуса плянуецца ў 2015 годзе.