Наступны ірацкі горад пад кантролем іслямістаў

Наступны ірацкі горад захоплены іслямскімі баевікамі. Пасьля Мосула, пад кантролем экстрэмістаў апынуўся Тыкрыт.

Горад, у якім жыве 150 тысячаў жыхароў, разьмешчаны на паўдарозе паміж Мосулам ды сталіцай краіны - Багдадам.

Паводле ірацкай паліцыі, армія панесла паразу ў сутыкненьні з баевікамі, якія вызвалілі сотні зьняволеных зь мясцовых турмаў.

Раней іслямскія паўстанцы з групоўкі Іслямская дзяржава Ірак і Левант перанялі кантроль над трохмільённым Мосулам, які зьяўляецца другім па велічыні горадам у Іраку. З горада зьбеглі, па меншай меры, паўмільёна жыхароў. На месцы назіраецца хаос.

Нагадваем, групоўка Іслямская дзяржава Ірак і Левант зьвязаная з Аль-Каідай. Ейныя чальцы захапілі значную частку заходняга й цэнтральнага Іраку, а таксама ўсходнюю частку Сырыі.

аз