Брытанскія караблі прыбылі ў раён Гібралтара

Тры карабля ВМС Вялікабрытаніі ў панядзелак раніцай прыбылі ў раён Гібралтара для правядзеньня плянавых вучэньняў.

У адказ улады Гішпаніі прыгразілі ўвесьці плату ў памеры 50 эўра за перасячэньне мяжы паміж гэтай заморскай тэрыторыяй Вялікабрытаніі й Гішпаніяй. Таксама МЗС краіны паведамляе аб плянах закрыць паветраную прастору для самалётаў, якія накіроўваюцца ў аэрапорт Гібралтара.

Чарговы віток канфлікту вакол Гібралтара разгарэўся некалькі тыдняў таму пасьля таго, як ўлады ў аднабаковым парадку ўзьвялі штучны рыф ля берагоў Гібралтарскай скалы.

Па апошняй інфармацыі, ЭЗ накіруе назіральнікаў на мяжу Гішпаніі й Гібралтара.

дг