Дума разгледзіць законапраект аб журналісцкім імунітэце

Сёньня на разгляд Дзярждумы Расеі быў унесены законапраект аб прызнаньні журналістам такой жа недатыкальнасьці, як у сябраў выбарчых камісій, паведамляе агенцтва РИА Новости.

Як гаворыцца ў тлумачальнай запісцы да законапраекту, прыняцьце дакумэнту дазволіць журналістам бязбоязна "супрацьстаяць" іншым прадстаўнікам афіцыйнай улады, прыватным бізнэс-структурам і іншым асобам.

Аўтары праекту перакананыя, што гэта дазволіць у некаторай ступені абараніць журналістаў і даць ім магчымасьць прафэсійна займацца сваёй дзейнасьцю. Апроч таго, такое рашэньне сталася б сыстэмным крокам у барацьбе з карупцыяй.

эб/ РИА Новости