У Пэру будаўнікі зруйнавалі піраміду, якой больш за 4 тысячы гадоў

Будаўнікі ў сталіцы Пэру Ліме разбурылі старажытную шасьцімэтровую піраміду, пабудаваную каля 4 тысяч гадоў таму.

Як паведамляе Associated Press, піраміда знаходзілася ў адным з найважнейшых старажытных паселішчаў Перу El Paraiso, разьмешчаным у двух кілямэтрах ад Ціхага акіяна. Усяго ў комплексе знаходзіцца каля 12 святынь. Піраміда стаяла ў цэнтры і выкарыстоўвалася ў якасьці храма.

Рабочыя паспрабавалі разбурыць яшчэ тры піраміды, але іх спынілі мясцовыя жыхары. Разьмешчаныя ў палях піраміды ніяк не ахоўваліся, але пасьля здарэньня на месца былі накіраваны паліцэйскія.

Будаўнічым кампаніям прад'яўлены афіцыйныя абвінавачаньні.

дг