Amnesty International: рэпрэсіі супраць актывістаў Цяньаньмэнь не сьціхаюць

У аўторак прыпадае 24 гадавіна жорсткага падаўленьня дэмакратычных студэнцкіх пратэстаў на плошчы „Нябеснага спакою”, так перакладаецца Цяньаньмэнь. Паводле некаторых ацэнак, 4 чэрвеня 1989 г. загінула больш за 2000 чалавек.

Праваабарончыя арганізацыі нагадваюць з гэтай нагоды, што Кітай па-ранейшаму застаецца лідарам парушэньняў правоў чалавека. Як паведамляе Amnesty International, ахвяры Цяньаньмэнь і іхныя сем'і надалей абмежаваныя ў праве на свабоду. Апроч таго ім забаронена казаць пра тыя падзеі. Тых, хто парушае гэтую забарону — арыштоўваюць. Такі лёс напаткаў нядаўна асобаў з правінцыі Шаньдун, якія хацелі адзначыць гэты юбілей.

Міжнародныя праваабаронцы падкрэсьліваюць, што Кітай застаецца краінай, дзе выконваюць найбольш сьмяротных прысудаў ў сьвеце - некалькі тысяч у год.
Не палепшыла стан грамадзкіх свабод і эканамічная мадэрнізацыя. Кітай застаецца рэпрэсіўнай дзяржавай, нягледзячы на ​​распаўсюд Інтэрнэту і ўкараненьне капіталістычнай эканомікі.

юл