У Львове забаранілі савецкую й нацысцкую сымболіку

Дэпутаты Львоўскага гарадзкой савета 25 красавіка забаранілі выкарыстоўваць „акупацыйную сымболіку - сымболіку СССР, камуністычную й нацысцкую на тэрыторыі горада Львова”. За гэтае рашэньне прагаласавала 70 дэпутатаў.

У тым ліку дэпутаты забаранілі вывешваць такую сымболіку на будынках і падчас масавых мерапрыемстваў.

Дэпутат ад партыі „Свабоды” Любамір Мельнічук адзначыў, што ў цэнтральных СМІ бачна, як пэўныя палітычныя партыі не ўкраінскага напрамку, адкрытыя ўкраінафобы, спрабуюць нагнятаць сытуацыю ў Львове па трагічных датах у гісторыі Ўкраіны. „Улічваючы пазыцыю, якая зьяўляецца адназначнай адносна недапушчэньня якіх-небудзь правакацый у Львове 8-9 мая, прапануем забараніць выкарыстоўваць акупацыйную сымболіку на тэрыторыі горада”, - сказаў палітык.

Год таму аналягічнае рашэньне гарадзкога савета апратэставала пракуратура Львоўскай вобласьці.

zaxid.net/аз