Расея распрацоўвае гіганцкае радовішча чорных алмазаў

Фота: geolog.at.ua

Расея намерана пачаць эксплюатацыю велізарнага радовішча алмазаў. Як кажуць экспэрты, каштоўных камянёў у ім так многа, што іх хопіць на задавальненьне попыту на сусьветных рынках на 3 тысячы гадоў.

Велізарнае радовішча знаходзяцца ў кратэры мэтэарыта на рацэ Папігай у Краснаярскім краі. Здабываць алмазы там пачалі яшчэ ў сталінскія часы, аднак пасьля распрацоўка спынілася. Некалькі дзён таму расейскія ўлады вырашылі зноў пачаць здабычу.

Пакуль дасьледваньні ў кратэры Папігай вядуць расейскія геолягі. Яны падкрэсьліваюць, што чорныя алмазы, якія сфармаваліся ў выніку ўдару мэтэарыту, у два разы цьвярдзейшыя за звычайныя. Таму яны могуць быць выкарыстаныя толькі для тэхнічных, а не для ювэлірных мэтаў.

IAR/ап