Дзень ісляму ў Каталіцкай царкве

Сёньня ў Каталіцкай царкве адзначаюць Дзень ісляму. Каталікі й мусульмане сустракаюцца на супольнай малітве, дыскусіях ды чытаюць Біблію й Каран.

Цэнтральныя ўрачыстасьці адбудуцца ў Варшаве. Іерархі ды вернікі абедзьвюх рэлігіяў сустрэнуцца ў парафiяльным доме ля катэдры ў варшаўскім раёне Прага.

Паводле агульных ацэнкаў, у Польшчы пражывае больш за 10 тысячаў мусульманаў. Сярод іх таксама татары, якія жывуць на тэрыторыі Польшчы многія стагодзьдзі.

У варшаўскай сустрэчы будзе ўдзельнічаць, між іншым, муфці Тамаш Міськевіч, амбасадары мусульманскіх краінаў у Польшчы.

Гаспадарамі сустрэчы зьяўляюцца Камітэт па справах дыялёгу зь нехрысьціянскімі рэлігіямі ды Супольная рада каталікоў і мусульманаў.

аз