Забруджаньне вады ў рацэ Белая

У рацэ Белая каля вёскаў Райкі й Леўкі ў Бельскім павеце на Падляшшы знойдзена мёртвая рыба й жабы. Экспэрты падазраюць, што вада была забруджаная выцекам хімічнай субстанцыі з новапабудаванай фабрыкі швэдзкага канцэрну „IKEA”.

Беластоцкая Ваяводзкая інспэкцыя аховы навакольнага асяродзьдзя ўвяла забарону выкарыстоўваць ваду з ракі, у тым ліку для жывёлагадоўлі.

Пра забруджаньне паведамлены адмысловыя органы. У панядзелак стануць вядомыя вынікі хімічных тэстаў вады.

аз