Небясьпечная кібэрзлачыннасьць

Польшча знаходзіцца ў групе лідараў сярод краінаў NATO, якія змагаюцца з кібэрзлачыннасьцю, - лічыць кіраўнік Бюро нацыянальнай бясьпекі Польшчы Станіслаў Козей.

Нагадваем, сёньня прэзыдэнт Польшчы Браніслаў Камароўскі падпісаў папраўку закону, якая дазваляе ўвесьці ваеннае становішча або абвесьціць стыхійнае бедзтва ў выпадку вонкавай пагрозы ў кібэрпрасторы.

Станіслаў Козей кажа, што пагрозы, зьвязаныя зь кібэрзлачыннасьцю, датычаць ня толькі тых, хто прафэсійна займаецца інфарматыкай.

Станіслаў Козей: Мы павінны браць пад увагу ня толькі штодзённыя пагрозы ў кібэрпрасторы, такія, як атакі хакераў, але таксама магчымасьць узьнікненьня кібэрвайны. Розныя прыклады кібэрпагрозаў назіраюцца ўжо цяпер. Напрыклад, кібэратакі на Эстонію, ці выкарыстаньне дзеяньняў у кібэрпрасторы падчас расейска-грузінскай вайны.

Папраўлены закон прадугледжвае, што ў выпадку варожага вонкавага дзеяньня ў кібэрпрасторы прэзыдэнт краіны (па заяве ўраду) можа ўвесьці ў дзяржаве адно з трох выключных становішчаў.

аз