Прэм’ер Польшчы абмеркаваў Brexit з Ангелай Мэркель

Матэвуш Маравецкі пасьля размовы з канцлерам Нямеччыны Ангелай Мэркель напісаў, што «пры ўдзеле ўсіх краін ЭЗ, мы павінны не дапусьціць жорсткі Brexit».

«Чакаем прапановаў ураду Тэрэзы Мэй», – напісаў на сваёй старонцы ў сацыяльнай сетцы Twitter кіраўнік польскага ўраду.

Учора парлямэнт Вялікабрытаніі прагаласаваў за чарговую спробу перамоваў, аднак парлямэнтары не падтрымалі прапановаў выхаду Аб’яднанга Каралеўства са складу ЭЗ без заключэньня адпаведнай дамовы. Дагэтуль прадстаўнікі Эўрапейскага Зьвязу адмаўляліся ўносіць у дамову зьмены прапанаваныя Вялікай Брытаніяй.

IAR/эж