Польшча рыхтуецца да чацьвёртай прамысловай рэвалюцыі

Прэзыдэнт Анджэй Дуда падпісаў закон аб Фондзе „Плятформа прамысловасьці будучыні”. Яго задача – адаптаваць польскую эканоміку да выклікаў гэтак званай чацьвёртай прамысловай рэвалюцыі, а ў выніку росту прадукцыйнасьці польскіх прадпрыемстваў.

Адным з ключавых напрамкаў дзейнасьці фонду будзе распаўсюджваньне сярод кампаніяў ведаў пра чацьвёртую прамысловую рэвалюцыю. Плятформа будзе аказваць падтрымку нефінансавага характару. Гаворка ідзе пра арганізацыю курсаў, кансалтынг і інтэграцыйныя мерапрыемствы для прадпрыемстваў.

Атрымальнікамі дапамогі будуць прадпрымальнікі й сацыяльна-эканамічныя партнэры. Умовай атрыманьня падтрымкі будзе дзейнасьць на тэрыторыі Польшчы.

Першапачатковы бюджэт фонду складзе 2 млн злотых (больш за 466 тысяч эўра). Фонд пачне дзейнічаць у першым квартале бягучага году.

аз