Стан польскіх школьных аўтобусаў палепшыўся

Галоўны інспэктар аўтамабільнага транспарту Эльвін Гаядхур паведаміў, што ў Польшчы палепшыўся стан школьных аўтобусаў.

Інспэктар паведаміў, што школьныя аўтобусы знаходзяцца пад пільным кантролем на працягу ўсяго года, аднак асаблівая ўвага стану школьнага транспарту надаецца перад і пасьля 1 верасьня.

Летась падчас дарожнага кантролю школьных аўтобусаў, кожны восьмы транспартны сродак быў пазбаўлены допуску да ўдзелу ў дарожным руху. Аднак, сёлета гэтае абмежаваньне ўжывалася ў дачыненьні толькі да кожнага чатырнаццатага школьнага аўтобуса. Дадзены паказчык сьведчыць аб паляпшэньні якасьці і бясьпекі перавозак школьнікаў.

Эльвін Гаядхур таксама паведаміў, што Галоўная інспэкцыя аўтамабільнага транспарту, рэалізуе адукацыйныя праграмы ў дзіцячых садках і школах. Інспэкцыя рэгулярна праводзіць урокі бясьпекі, падчас якіх інспэктары дарожнага транспарту кажуць пра тое, як паводзіць сябе на дарозе.

эж