Вялікая партыя марыхуаны затрымана на паўночным усходзе Польшчы

Дваццаць тры кіляграмы марыхуаны канфіскавалі паліцэйскія Цэнтральнага сьледчага бюро паліцыі ў Ольштыне. Падчас апэрацыі сілавікоў быў затрыманы мужчына, які хаваў вялікую колькасьць наркотыкаў у сябе ў дому, а таксама на працы.

Падчас затрыманьня 31-гадовы падазраваны паспрабаваў уцячы з уласнага дому, але будынак быў акружаны паліцэйскімі. У выніку вобшука высьветлілася, што большасьць наркотыкаў, а менавіта 20 кіляграм марыхуаны, былі схаваныя ў аўтамабільных шынах.

Падазраваны трапіў у ізалятар часовага ўтрыманьня тэрмінам на 3 месяцы. Сьледчыя высьвятляюць адкуль паходзіць такая вялікая партыя каноплі, а таксама, хто канчаткова павінен быў атрымаць наркотыкі.

эж