Карэянка была зьбітая ў цэнтры Ўроцлава

32-гадовы мужчына ўдарыў 37-гадовую жанчыну з Паўднёвай Карэі, нападнік суправаджаў удар шавіністычнымі воклічамі.

Інцыдэнт адбыўся ўвечары нядзелі на Плошчы Рынак ва Ўроцлаве, што на паўднёвым захадзе Польшчы. Рынак зьяўляецца галоўнай турыстычнай адметнасьцю Ўроцлава, штодня там шпацыруюць тысячы іншаземных турыстаў.

Пасьля нападу на турыстку зламысьнік уцёк зь месца здарэньня, аднак у хуткім часе быў затрыманы. Напапдніку ўжо былі прадстаўленыя абвінавачваньні гвалту, ўчыненага па этнічнай альбо расавай прыкмеце. Паводле гэтага артыкулу Крымінальнага кодэксу Польшчы, 32-гадоваму нападніку пагражае ад 3 месяцаў да 5 гадоў турэмнага зьняволеньня.

эж