Польскі Сэйм запатрабаваў ад Расеі вызваліць украінскіх палітвязьняў

Пастанова польскага парлямэнту ад 15 чэрвеня, заклікае расейскія ўлады вызваліць усіх украінцаў, якія знаходзяцца за кратамі па палітычным матывам. Напярэдадні Камісія па міжнародных справах Сэйму адзінагалосна зацьвердзіла праект дакумэнту.

Тэкст пастановы з трыбуны парлямэнту зачытаў дэпутат ад апазыцыйнай партыі «Грамадзянская плятформа» Анджэй Галіцкі: «Сэйм Рэспублікі Польшча зьвяртаецца да ўладаў Расейскай Фэдэрацыі з заклікам вызваліць усіх грамадзян Украіны, якія па палітычных прычынах знаходзяцца ў расейскіх месцах пазбаўленьня волі. Мы патрабуем вызваленьня рэжысёра Алега Сянцова».

За прыняцьцё пастановы прагаласавалі 410 дэпутатаў, 2 былі супраць, 4 – устрымаліся. Зацьвярджэньне пастановы тактычна аб'яднала польскую правячаю партыю й апазыцыю.

эж