Службы правапарадку сарвалі канцэрт нэафашыстаў

Супрацоўнікі Агенцтва ўнутранай бясьпекі ўдарылі па асяродзьдзі нэафашыстаў у Дзержанёве на поўдні Польшчы. У гэтым горадзе плянавалася правесьці канцэрт з распаўсюдам прапаганды гэтай ідэалёгіі.

У акцыі ўдзельнічала больш за сто функцыянэраў агенцтва ды іншых службаў правапарадку. Апэрацыя пачалася ў суботу пасьля поўдня, ноччу яшчэ працягвалася, пакуль што невядомыя падрабязнасьці яе правядзеньня, - паведаміў прэс-сакратар акружной пракуратуры ў Сьвідніцы пракурор Томаш Арэпук.

Па словах пракурора, канцэрт нэафашыстаў у выніку дзейнасьці службаў правапарадку не адбыўся. На месцы плянаванага мерапрыемства праведзены ператрус. Даручэньне не дапусьціць правядзеньня фашысцкага канцэрту выдала раённая пракуратура ў Валбжыху, якая вядзе сьледзтвы, зьвязаныя з прапагандай нянавісьці і таталітарных сыстэм.

нг