Мінфін шукае хакераў, якія дапамогуць ушчыльніць падатковую сыстэму

Dziennik Gazeta Prawna: Дапамогай хакераў гадамі карыстаюцца розныя ўрадавыя ўстановы (напрыклад, ФБР), а таксама найбуйнейшыя сусьветныя канцэрны. Польскае міністэрства суарганізоўвае двухдзённы інфарматыўны маратон (хакатон) у Кракаве. У ім прыме ўдзел каля 2 тысяч праграмістаў з цэлага сьвету. Яны атрымаюць праблемныя задачы і павінны будуць праявіць арыгінальнасьць у іх вырашэньні. Пры нагодзе міністэрства хоча праверыць, ці яны будуць здольныя стварыць новыя спосабы, якія маглі б выкарыстоўваць падатковыя службы.

На Захадзе на такога тыпу конкурсах вышукваюць найлепшых спэцыялістаў. Так робіць, напрыклад, ФБР ці брытанская служба MI5, а таксама іншыя дзяржаўныя структуры, якія веды хакераў выкарыстоўваюць для змаганьня са злачыннасьцю.

Міністэрства фінансаў Польшчы падрыхтавала для інфарматыкаў задачу, вырашэньне якой дапамагло б адсачыць махінацыі з ПДВ. Пераможцаў чакае ўзнагарода, а магчыма нават прапанова далейшай супрацы з міністэрствам.

ав