У Трускаўцы прайшоў польска-украінскі Форум рэгіянальнага разьвіцьця

У Трускаўцы ва Ўкраіне закончыўся польска-украінскі Форум рэгіянальнага разьвіцьця. Цягам двух дзён прайшло дзесяць панэльных дыскусій, падчас якіх дэпутаты, прадстаўнікі ўраду ды муніцыпальных органаў размаўлялі пра будучыню рэгіёну Карпат.

Самая важная задача – паляпшэньне транспартнай інфраструктуры, каб збудаваць сетку сувязі з астатняй часткай Эўропы, – адзначалі ўдзельнікі сустрэчы.

На думку старшыні Сэйму Марэка Кухціньскага, Украіна зрабіла шмат, каб наблізіцца да Эўрапейскага Зьвязу, у выніку чаго быў уведзены бязьвізавы рэжым для грамадзян краіны. Кухціньскі сустрэўся са сьпікерам украінскага парлямэнту Андрыем Парубіям. Палітыкі размаўлялі між іншым пра энэргетычную бясьпеку.

Польская дэлегацыя адправілася таксама ў Львоў, дзе ўсклала кветкі да помніка львоўскім прафэсарам, забітым гітлераўцамі падчас Другой сусьветнай вайны.

ІАР ПР/нг