Паркоўка ў Варшаве будзе каштаваць 2 эўра гадзіна

Значна падаражэе паркоўка ў цэнтрах буйных польскіх гарадоў. У Варшаве першая гадзіна будзе каштаваць 2 эўра.

Гэта прапануе міністар разьвіцьця й фінансаў Матэвуш Маравецкі. У законах зьявіцца новая катэгорыя платнай паркоўкі: "зона паркоўкі ў цэнтры горада", дзе аплата можа тройчы перавышаць аплаты ў іншых раёнах. Гэта азначае, што гарадзкія ўлады могуць вызначыць плату 9 злотых, то бок 2 эўра за першую гадзіну паркоўкі. Другая і трэцяя гадзіна можа каштаваць яшчэ больш на 20%.

«Puls Biznesu» зазначае, што зьмены ўводзяцца дзеля экалёгіі, пешаходаў і веласіпедыстаў.

Акрамя Варшавы, закон ахоплівае такія гарады як Кракаў, Лодзь, Уроцлаў, Гданьск, Беласток, Люблін, Катавіцэ, Торунь.

Puls Biznesu/яс