Глівіцэ, Ольштын і Варшава – тры польскія гарады, якія разьвіваюцца найхутчэй

Глівіцэ ў Сілезіі, паўночна-ўсходні Ольштын і Варшава – гэта тры польскія гарады, якія найхутчэй разьвіваюцца. У Сэйме Польшчы адбылася прэзэнтацыя справаздачы, прысьвечанай разьвіцьцю польскіх рэгіёнаў і падрыхтаванай спэцыялістамі Варшаўскага палітэхнічнага ўнівэрсытэту.

Справаздача ахапіла ўсе гміны (найменшыя тэрытарыяльна-адміністрацыйныя адзінкі) ды гарады краіны.

Падчас працы над дакумэнтам пад увагу бралася разьвіцьцё ў галіне эканомікі й грамадзтва ды ахова навакольнага асяродзьдзя. У прыватнасьці, гэта ўзровень інвэстыцый на жыхара гміны альбо горада, выдаткі на грамадзкі транспарт, колькасьць юрыдычных асобаў, узровень беспрацоўя ды іншыя сацыяльна-эканамічныя паказчыкі. Акрамя таго, бярэцца пад увагу ўзровень міграцыі, колькасьць жыхароў зь сярэдняй і вышэйшай адукацыяй, а таксама доступ да інфраструктуры й яе ўзровень.

вс