У Варшаве ўшанавалі „Выклятых жаўнераў”(ФОТА)

На слупе Помніка-Магілы невядомага жаўнера ў Варшаве была адкрыта памятная дошка, прысьвечаная памяці „Выклятых жаўнераў”. У цырымоніі прынялі ўдзел, сярод іншых, прэзыдэнт Анджэй Дуда й міністар нацыянальнай абароны Антоні Мацярэвіч (Antoni Macierewicz).

Кіраўнік польскай дзяржавы сказаў, што цырымонія не выпадкова праходзіць напярэдадні Дня незалежнасьці, таму што змаганьне „выклятых жаўнераў” лічыцца барацьбой за незалежнасьць краіны.

PAP/Tomasz Gzell

„Гэта была барацьба - хоць і безнадзейная – за свабодную, сувэрэнную й, перш за ўсё, незалежную Польшчу”, - сказаў Анджэй Дуда.

PAP/Tomasz Gzell

„Выклятыя жаўнеры” - гэта жаўнеры незалежніцкага й антыкамуністычнага польскага падпольля, якія ў 1944-1963 гадах супраціўляліся спробам саветызацыі Польшчы й падпарадкаваньня Савецкаму Саюзу. У асноўным гэта былі жаўнеры Арміі Краёвай і асобы, якія не хацелі пагадзіцца на савецкае панаваньне ў краіне.

аз