Ці ліквідацыя гімназій патрэбная Польшчы

«Gazeta Wyborcza» піша пра рэвалюцыю ў адукацыйнай сыстэме Польшчы. Муніцыпальныя органы на ліквідацыю гімназій выдаткуюць звыш мільярда злотых. Тысячы настаўнікаў і дырэктараў страцяць працу. Бацькоў чакаюць цэлыя гады няўпэўненасьці – дзе будуць вучыцца іх дзеці, хто і чаго будзе іх вучыць.

Аднак самая высокая цана чакае вучняў. Важна ня толькі тое, што яны будуць вучыцца па падручніках, напісаных на калене і што будуць іх вучыць настаўнікі, працуючыя ў некалькіх школах. Галоўнае тое, што школьнікі ня змогуць атрымаць адукацыі ХХІ стагодзьдзя. У плянах партыі «Права і справядлівасьць» – пашырэньне ўрокаў гісторыі, за кошт прыродазнаўства ды інфарматыкі, а менавіта гэтыя прадметы вучаць інавацыйнасьці і крытычнага мысьленьня, вельмі важных у сёньняшнім сьвеце.

Польскай школе патрэбныя зьмены. Неабходна разьвіваць навучаньне замежных моваў, інфарматыкі, уменьне працаваць у групе, крытычнае мысьленьне. Клясы маглі б быць меншыя, а настаўнікаў трэба лепш рыхтаваць да прафэсіі. Ліквідацыя гімназій не прынясе карысьці дзецям. Ня дасьць ім лепшай адукацыі, а Польшчу ня зробіць лепшай.

Gazeta Wyborcza/нг