У Польшчы адзначаецца Сусьветны дзень барацьбы супраць раку

У варшаўскім Цэнтры анкалёгіі, а таксама ў 20-і іншых анкалягічных ды гематалягічных мэдычных установах у цэлай Польшчы адбываецца Дзень адкрытых дзьвярэй.

Кожны, хто прыбудзе ў мэдычную ўстанову, зможа бясплатна й па-за чаргой зрабіць мамаграфію, цыталягічнае дасьледаваньне, здаць аналіз крыві на цукар ды памераць утрыманьне вуглякіслага газу ў выдахаемым паветры. Акрамя таго, спэцыялісты пакажуць жанчынам, як правільна самастойна правяраць грудзі, а курцам параяць, як кінуць шкодную прывычку.

Мерапрыемствы адбываюцца з нагоды Сусьветнага дня барацьбы супраць раку.

вс