Суд разглядаў пытаньне выдачы Рамана Паляньскага

Сёньня ў Кракаве прайшло паседжаньне суду па справе выдачы Рамана Паляньскага ў ЗША.

Па просьбе абаронцаў рэжысэра суд пастанавіў, што паседжаньне будзе праходзіць у закрытым рэжыме.

Прэс-сакратар Акруговага суду ў Кракаве Бэата Гуршчык тлумачыць, што справа тычыцца прыватнага жыцьця рэжысэра, таму абнародаваньне падрабязнасьцяў непажаданае. Прадстаўніца суду падкрэсьлівае, што Паляньскі ў ЗША ня быў асуджаны.

„Працэс у ЗША ня быў завершаны. Нельга асуджаць чалавека да заканчэньня судовага разьбіральніцтва”, - кажа Гуршчык.

Амэрыканцы перасьледуюць Паляньскага за палавы акт з непаўналетняй жанчынай. Гэта здарылася амаль 40 гадоў таму.

Пракуратура ў Кракаве зьвярнулася ў суд з просьбай вырашыць ці існуюць падставы для выдачы Рамана Паляньскага ў Злучаныя Штаты Амэрыкі.

аз