,,Агульны сьвет” дапамагае аўтычным дзецям і дарослым

Адкрыць цэнтр, які ўсебакова будзе клапаціцца аб дарослых асобах з аўтызмам, плянуе Асацыяцыя ,,Агульны сьвет” зь Бяла-Падляска. Цэнтр створыць шанец, што навыкі, набытыя асобай з аўтызмам ў школе, ня будуць страчаныя. Асацыяцыя „Агульны сьвет” ужо вядзе дзіцячы сад, пачатковую школу й Цэнтр лячэньня й дыягностыкі аўтычных дзяцей. Гэта адзіны аб'ект такога роду ва ўсходняй частцы Польшчы.

Цэнтр для аўтычных дарослых адчыніцца, у лепшым выпадку, празь некалькі гадоў. За тое рэальным зьяўляецца адкрыцьцё ў наступным годзе сярэдняй школы для дзяцей-аўтыстаў.

5 лістапада асацыяцыя ,,Агульны сьвет” сумесна з Дэпартамэнтам па сацыяльных пытаньнях горада Бяла-Падляска ладзіць канфэрэнцыю, прысьвечаную пытаньням раньняй дыягностыкі аўтызму. Зарэгістравацца можна да 15 кастрычніка. Удзел у канфэрэнцыі бясплатны.

яс