Фэрмэры ЭЗ будуць змагацца за грошы

Каля 40 польскіх фэрмэраў возьме ўдзел у прaтэстах супраць скарачэньня сродкаў на супольную сельскагаспадарчую палітыку. 6 лютага, за дзень да саміту ЭЗ па справе бюджэту супольнасьці на 2014-2020 гады, у бэльгійскую сталіцу прыедуць фэрмэры, каб выказаць пратэст супраць скарачэньняў выдаткаў на сельскую гаспадарку.

„Мы хочам нагадаць палітыкам, што пра месцы працы трэба клапаціцца таксама ў сельскай гаспадарцы,”- кажа адзін з польскіх фэрмэраў, якія зьбіраюцца ў Брусэль.

Паводле эўрапейскіх фэрмэраў, да 2020 году выдаткі на сельскую эканоміку павінны быць захаваныя на цяперашнім ўзроўні.

Тым часам у сваёй апошняй прапанове Эўрапейская камісія хоча іх скараціць на 10%.

аз