У Модліне патрэскала ўзьлётна-пасадачная паласа

Каля 40 тысяч пасажыраў ня змогуць скарыстацца аэрапортам Модлін пад Варшавай. Праўдападобна ад марозу патрэскала ўзьлётна-пасадачная паласа. Аэрапорт прымае толькі невялікія самалёты.

Напэўна з іншых аэрапортаў будуць вымушаны адпраўляцца пасажыры, якія купілі квіткі на палёты да канца гэтага году. Кіраўніцтва аэрапорта Модлін ня ведае, калі лётнішча пачне дзейнічаць нармальна.

У траўні польскія СМІ паведамлялі, што трашчыны на яшчэ не аддазенай у карыстаньне паласе, прыйшлося выправіць падагрэтай смалой.

Аэрапорт будзе патрабаваць кампэнсацый за панесеныя страты ад будаўнічай фірмы „Эрбуд”.

яс