Мігальскі ўзяў апеку над Каваленкам

Фота: gover.pl

Польскі эўрадэпутат Марэк Мігальскі вырашыў узяць апеку над Сяргеем Каваленкам, - паведамляе праваабарончая арганізацыя „Libereco - Partnership for Human Rights”.

„Я захапляюся яго ўпартасьцю ў барацьбе за вольную Беларусь. На жаль, у краіне, якой кіруе Лукашэнка, нават яго просты жэст салідарнасьці й адданасьці дэмакратычным свабодам жорстка перасьледуецца па законе”, - заявіў палітык.

Марэк Мігальскі паведаміў, што ён зьвярнуўся з заклікам у пісьмовай форме ў Вярхоўны суд і Генэральную пракуратуру Рэспублікі Беларусь, а таксама, да старшыні Эўрапарламэнта Марціна Шульца.

Палітык паабяцаў працягваць распаўсюджваць інфармацыю пра Сяргея Каваленку ў міжнародных арганізацыях.

Нагадаем, раней Марэк Мігальскі быў апякуном палітвязьня Зьмітра Бандарэнкі.

charter97.org/аз