Сяргей Міхалок не плянуе вяртацца

У размове зь беларускімі незалежнымі СМІ Міхалок зазначыў, што ён застаецца ў Маскве не таму, што баіцца судовых разьбіральніцтваў, а таму што хоча спакойна займацца музыкай. Лідар „Ляпісаў” патлумачыў, што на паўгоду наперад расьпісаныя гастролі, і гэта для музыкі галоўнае.

Спэцыялісты па юрыспрудэнцыі лічаць, што калі Сяргей Міхалок вернецца ў Менск, то на час разьбіральніцтва хутчэй за ўсё зь яго возьмуць падпіску аб нявыездзе і, магчыма нават, забяруць пашпарт.

Тым часам беларуская пракуратура адправіла словы Міхалка на аналіз. Прызначаная лінгвістычная экспэртыза. Экспэрты павінны вызначыць, ці галоўны «Ляпіс», выказваючыся ў шэрагу інтэрвію, абразіў Аляксандра Лукашэнку ці, не.

Тэрмін пракурорскай праверкі працягнуты на тры месяцы.

euroradyjo/яс