Спынены чарговыя крымінальныя справы

Спыненая крымінальная справа па падзеях 19 сьнежня супраць сябра аргкамітэту па стварэньні БСДП „Народная грамада”, чальца перадвыбарчага штабу Мікалая Статкевіча Аляксандра Арастовіча.

Крымінальны перасьлед спынены з-за адсутнасьці складу злачынства.

Ліст ад сьледчага Арастовіч атрымаў па пошце ўчора ўвечары.

Па той жа прычыне была спыненая справа ў дачыненьні да кіраўніка „Маладых дэмакратаў” Алега Корбана. Ліст пра гэта ён атрымаў па пошце сёньня.

Нагадаем, раней спыненыя былі таксама крымінальныя справы супраць кіраўніка АГП Анатоля Лябедзькі (серада) і журналісткі Натальлі Радзінай (учора).

аз