Ільготныя крэдыты на тавары для дзяцей

У Беларусі прынята рашэньне аб выдзяленьні льготных спажывецкіх крэдытаў для набыцьця тавараў для дзяцей. Адпаведную пастанову прыняў Савет міністраў. Яна будзе дзейнічаць да 1 кастрычніка 2011 года.

Ільготныя крэдыты выдзяляюцца на наступныя тавары беларускай вытворчасьці: верхняе адзеньне, абутак, вучнёўскія ранцы й рукзакі, маладзёжныя сумкі.

Ільготныя крэдыты выдзяляюцца ў беларускіх рублях да трох гадоў з выплатай 10% гадавых. Агульная сума льготных крэдытаў, што выдаюцца аднаму атрымальніку, складае да 300 базавых велічынь (10,5 мільёнаў рублёў).

Крэдыты выдзяляюцца ў "Беларусбанку", "Белаграпрамбанку", " Белінвестбанку", "Белпрамбудбанку".

БелаПАН/яс