У цэнтры Менска забаронена паркоўка

З 30 чэрвеня і да 3 ліпеня ўключна ў Менску забаронена паркоўка аўтатранспарту на пр. Машэрава — ад пр. Незалежнасьці да вул. Ціміразева. Таксама паркоўка транспарту забаронена на вул. Гвардзейскай — ад пр. Машэрава да пр. Пераможцаў; на вул. Ігнаценкі — ад вул. Грыбаедава да пр. Пераможцаў; на вул. Грыбаедава — ад пр. Машэрава да вул. Ігнаценкі; на вул. Тарханава — ад вул. Гвардзейскай да вул. Грыбаедава; ля д. № 41 на пр. Пераможцаў.

Дзяржаўтаінспэкцыя раіць вадзіцелям улічваць гэту інфармацыю пры выбары месца для прыпынку і стаянкі транспартных сродкаў і настойліва просіць вадзіцеляў у выпадку вымушанага прыпынку ў названых месцах пакідаць пад лабавой шыбай кантактны тэлефон для сувязі.

Такім меры ўведзены ў сувязі з падрыхтоўкай і правядзеньнем урачыстасьцей да Дня Незалежнасьці РБ, які адзначаецца 3 ліпеня, у дзень вызваленьня Менска ад нацысцкай акупацыі.

Minsk.mvd.gov.by/вк