Беларусь нарошчвае супрацоўніцтва з Эгіптам

За апошнія два гады беларуска-эгіпэцкі тавараабарот вырас амаль у два разы – з 57,8 мільёнаў даляраў у 2016 годзе да 108,7 мільёнаў даляраў у 2018 годзе. Гэта вынік рэалізацыі дарожнай мапы за 2017-2018 гады, паведаміла Белта.

Новая дарожная мапа ўключае ў сябе ўвесь спэктар супрацоўніцтва з Эгіптам у сфэры прамысловасьці – гэта зборачныя вытворчасьці МТЗ, МАЗ, «Амкадор», «Бабруйскаграмаш». Таксама ідзецца пра ваенна-тэхнічнае супрацоўніцтва, пра супрацу ў галіне навукі, ІТ-тэхналёгій, культуры, адукацыі. Беларускія ўлады заяўляюць, што хацелі б быць пасьпяховымі на арабскім рынку. Яны бачаць Эгіпет як адну з самых аўтарытэтных краін арабскага сьвету ды як вароты на рынак Афрыкі.

Таксама ў дакумэнце прапісаны дамоўленасьці ў галіне рэгіянальнага супрацоўніцтва. Менская вобласьць пасьпяхова дружыць і супрацоўнічае з губэрнатарствам Паўднёвы Сінай. Плянуецца наладзіць супрацоўніцтва Мінскага гарвыканкама і губэрнатарства Каір.

Апроч дарожнай мапы Беларусь ды Эгіпет падпісалі мэмарандум аб узаемаразуменьні па пытаньнях супрацоўніцтва ў сфэры маладзёжнай палітыкі.

Бакі таксама дамовіліся пра стварэньне савета дзелавога супрацоўніцтва, супрацу ў галіне стандартызацыі.

юл