14 чэрвеня адкрываецца выстава «Казімір Малевіч і ХХІ стагодзьдзе»

У рамках культурнай праграмы ІІ Эўрагульняў у Нацыянальным цэнтры сучасных мастацтваў 14 чэрвеня адкрываецца выстава «Казімір Малевіч і ХХІ стагодзьдзе» - паведамляе Радыё Свабода.

Упершыню на выставе ў Менску будзе выстаўленая карціна, імаверны аўтар якой Казімір Малевіч.

Шкіц (недароблены малюнак) пад назвай «Чалавек з рыдлёўкай» апошнюю чвэрць стагодзьдзя захоўваецца ў Новым замку Гарадзенскага дзяржаўнага гісторыка-археалягічнага музэю. За мінулы час зацікаўленыя асобы ні ў Горадні, ні ў Менску так і ня здолелі арганізаваць мастацкую экспэртызу, каб зьняць пытальнік у подпісе: аўтара ідэнтыфікуюць на падставе творчай манэры.

На тэрыторыі Беларусі не засталося дакумэнтальных сьведчаньняў дзейнасьці Малевіча – ніводнай працы, ніводнага радка з рукапісаў. Толькі гэтая карціна, аўтарства якой да канца ня вызначанае.

нг