Беларусь разглядае Польшчу як важнага партнэра

Пра гэта заявіў старшыня Савета Рэспублікі Міхаіл Мясьніковіч на адкрыцьці Беларуска-польскага форуму «Добрасуседства-2019», паведамляе Белта.

Кіраўнік верхняй палаты парлямэнта Беларусі адзначыў, што паміж краінамі актывізаваўся палітычны дыялёг, міжпарляменцкія і міжурадавыя кантакты набылі сыстэмны характар, умацаваліся гандлёва-эканамічныя сувязі.

«Па выніках 2018 года ўпершыню за апошнія восем гадоў абʼём узаемнага гандлю дасягнуў 2,55 мільярдаў даляраў. У Беларусі працуе 339 арганізацый з польскім капіталам. Польскія інвэстыцыі ў эканоміку Беларусі за мінулы год склалі 445 мільёнаў даляраў», – падкрэсьліў Міхаіл Мясьніковіч.

Беларускі саноўнік зазначыў, што афіцыйны Менск зацікаўлены ў прыцягненьні польскіх інвэстараў. Вялікае значэньне Беларусь надае сумесным інавацыйным і навукова-тэхнічным праектам, у тым ліку трансгранічным, інфраструктурным. Узаемную цікавасьць для бакоў уяўляюць праекты аховы экасыстэм Белавескай пушчы.

юл