100 тон беларускіх яблык зьнішчылі ў Расеі

Супрацоўнікі Пскоўскай мытні ва ўзаемадзеяньні з супрацоўнікамі ФСБ Расіі і Рассяльгаснагляду затрымалі дзевяць фур, паведаміла Паўночна-заходняе мытнае ўпраўленьне РФ.

У фурах перамяшчаліся польскія яблыкі і «яблыкі, краіну паходжаньня якіх вызначыць не ўяўляецца магчымым». Адзначаецца, што ўсе транспартныя сродкі ішлі з тэрыторыі Беларусі без суправаджальных дакумэнтаў.

103,5 тоны яблыкаў, незаконна ўвезеных на тэрыторыю РФ, канфіскаваныя і зьнішчаныя. Факт зьнішчэньня пацьверджаны відэаматэрыяламі.

Меркаваны кошт зьнішчанага тавару – 5 мільёнаў 175 тысяч расійскіх рублёў (каля 90 тысяч даляраў).

Паводле Наша Ніва/юл