Японскую мангу паводле кнігі Сьвятланы Алексіевіч пераклалі на беларускую мову

Комікс паводле кнігі Сьвятланы Алексіевіч «У вайны не жаночы твар», выпушчаны ў Японіі, пераклалі на беларускую мову. Першую частку мангі можна пабачыць на сайце anibel.net.

Гэта першая манга паводле твору беларускага аўтара. Стварае яго вядомы мастак Кейто Каумэ, які вядомы коміксам «Ваўчыца й вострыя прыправы».
Беларускі пераклад рабілі аматары, таму ў ім сустракаюцца некаторыя памылкі і абдрукоўкі.

«У вайны не жаночы твар» – першая кніга Сьвятланы Алексіевіч, выдадзеная яшчэ ў 1983 годзе. Яна стала часткай пэнталёгіі «Чырвоны чалавек», за якую пісьменьніца атрымала Нобэлеўскую прэмію па літаратуры.

эўрарадыё/вс