Лукашэнка: Расейскі пасол Бабіч напэўна лічыць кепска ўмее

Дэпутат Палаты прадстаўнікоў Ганна Канапацкая задала пытаньне Аляксандру Лукашэнку наконт цаны будаўніцтва Беларускай АЭС. Ці праўда, што Расейская Фэдэрацыя зьнізіла яе на 3 млрд даляраў, як заявіў расейскі пасол Міхаіл Бабіч?

«Я гэта ўпершыню чую, – гаварыў Лукашэнка. – Пасол, напэўна, лічыць кепска ўмее... Гэта не Расея зьнізіла. Калі такое сказаў пасол, то ён шкодзіць сабе».

Паводле словаў Аляксандра Лукашэнкі, проста Беларускую АЭС удалося пабудаваць таньней, чым плянавалася. А ўсё дзякуючы самаму жорсткаму кантролю, адзначыў кіраўнік дзяржавы.

эўрарадыё/вс