Восем беларускіх прадпрыемстваў трапілі ў «чорны сьпіс» Рассельгаснагляду

Рассельгаснагляд абмежаваў пастаўкі з трох і ўвёў рэжым узмоцненага кантролю прадукцыі пяці беларускіх прадпрыемстваў. Санкцыі набудуць моц 11 красавіка, піша БелаПАН.

Рассельгаснагляд «занепакоены выпадкамі паступленьня ў Расею зь Беларусі жывёлагадоўчай прадукцыі з парушэньнем вэтэрынарна-санітарных патрабаваньняў і нормаў Эўразійскага эканамічнага саюзу й Расейскай Фэдэрацыі, якія прынялі сыстэмны характар».

Ведамства зьвярнулася ў Дэпартамэнт вэтэрынарнага й харчовага нагляду Міністэрства сельскай гаспадаркі й харчаваньня Беларусі з просьбай правесьці расьсьледаваньне «названых выпадкаў» і прыняць меры для недапушчэньня паставак прадукцыі, якая не адпавядае вэтэрынарна-санітарным патрабаваньням і нормам ЭАЭС і РФ.

радыё рацыя/вс